JRU sosolohin ang No. 2 spot
MANILA, Philippines — Tatangkain ng Jose Rizal University na masolo ang second spot habang target ng College of St. Benilde ang ikalawang sunod na ratsada sa NCAA Season 99 men’s basketball tournament sa Filoil Centre sa San Juan City.
Lalabanan ng Heavy Bombers ang San Sebastian Stags ngayong alas-2 ng hapon kasunod ang pakikipagtuos ng Blazers sa University of Perpetual Help System DALTA Altas sa alas-4.
Bitbit ng Lyceum ang 6-0 record para patuloy na solohin ang liderato kasunod ang Jose Rizal (4-1), Mapua (4-1), San Beda (3-2), Emilio Aguinaldo College (2-2), St. Benilde (2-3), Perpetual (1-3), San Sebastian (1-3), Arellano (1-4) at ‘three-peat’ champions Letran (0-5).
Nagmula ang Heavy Bombers sa 71-65 pagtusok sa Altas tampok ang 17 points ni rookie Shawn Argente.
“We haven’t achieved anything yet,” wika ni coach Louie Gonzales sa pagharap ng kanyang Jose Rizal sa San Sebastian na nakalasap ng 72-87 pagkatalo sa St. Benilde.
Sa ikalawang laro, hangad ng Blazers na masundan ang kanilang 87-72 pagdurog sa Stags sa kanilang pagharap sa Altas.
- Latest
