Maymay celebrity VJ na rin
MANILA, Philippines - Magbibigay saya ang PBB Lucky 7 Season Big Winner na si Maymay Entrata bilang MYX Celebrity VJ ngayong buwan ng Mayo.
Sasabak na rin ang Ms. Wacky-Go-Lucky ng Cagayan de Oro sa local music scene bilang bagong artist ng Star Music.
Isa pang Pinoy Big Brother alumna na makikisali sa MYX saya ay si Ylona Garcia na bibida naman sa MYX Spotlight ngayong buwan.
Ang Filipino-Australian singer ay kasulukuyang umaangat sa industriya ng musika matapos ang kanyang kauna-unahang digital concert na pinamagatang My Name is Ylona Garcia tampok ang mga kantang Not Yo Bae, Dahan Dahan Lang, at My Name is Ylona Garcia mula sa kanyang debut album na may parehong titulo. Madalas mapanood si Ylona sa ASAP stage kasama sina Loisa Andalio, Maris Racal, Kira Balinger, at Andrea Brillantes bilang miyembro ng ASAP BFF5. Napanalunan din niya ang Favorite New Artist Award sa katatapos na MYX Music Awards.
Samantala, ang Asia’s Queen of Soul na si Jaya ang magre-reyna bilang MYX Headliner. Maliban sa pagiging hurado sa Tawag ng Tanghalan ng It’s Showtime, makikita rin natin ang iba pang side ni Jaya sa buong buwan ng Mayo.
Mapapanood ang MYX sa Skycable Channel 23.
- Latest
