Mahimong ikiha ang lalaki bisan may relasyon pa sila

Dear Atty. Divine,

Ang akong pag-umangkong babaye nga usa ka menor de edad nakauyab og kapin sa 30-anyos  nga lalaki. Ako ang nagpaeskuwela niining bataa ug anaa kini nagsaka sa amo. Niadtong miaging semana atol sa piyesta sa among barangay, adunay disco ug wa mouli ning bataa. Akong nasayran nga mikuyog kuno kini sa iyang uyab ug gidala sa usa ka motel.

Pag-uli sa akong pag-umangkon, miangkon kini nga adunay nahitabo kanila sa iyang hinigugma. Nahadlok ko nga mobuntis ning bataa kay wa ra bay trabaho ang lalaki. Ang akong pangutana kun mahimo ba namo nga ikiha ang iyang hinigugma tungod sa iyang pagdala sa motel sa akong pag-umangkon? Kun boluntaryo nga mikuyog ang akong pag-umangkon ug wa siya pugsa, mahimo ba kini nga depensa sa iyang boyfriend? Daghang salamat. — Rosa

Dear Rosa,

Ang consensual sexual conduct ngadto sa usa ka menor de edad, usa ka kalapasan sa Republic Act 7610. Base sa desisyon sa Korte Suprema sa  Caballo vs. People of the Philippines nga gidesisyonan niadtong Hunyo 10, 2013, kini nagkanayon nga ang pagtugot sa babaye nga menor de edad nga makighilawas tungod kay sila adunay relasyon dili magamit nga depensa sa kasong kalapasan sa Section 5, Article III sa RA 7610. Matud sa Korte Suprema: “For purposes of sexual intercourse and lascivious conduct in child abuse cases under RA 7610, the sweetheart defense is unacceptable. A child exploited in prostitution or subjected to other sexual abuse cannot validly give consent to sexual intercourse with another person.” The language of the law is clear: It seeks to punish “those who commit the act of sexual intercourse or lascivious conduct with a child exploited in prostitution or subjected to other sexual abuse[s].” Sa ato pa, bisan kun misugot pa ang imong pag-umangkon o may relasyon sila sa lalaki, mahimo gihapon nimo nga ikiha ang boyfriend niini og kalapasan sa RA 7610.  Thanks and Pit Senyor! – Atty. Divine

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.