Excited na si Horn

MANILA, Philippines – Mula nang mabanggit ni promoter Bob Arum bilang isa sa mga ikinukunsiderang labanan ni Manny Pacquiao ay hindi na maitago ni Jeff Horn ang kanyang kasabikang makaharap ang Senador.

“I’m very excited to hear that Pacquiao is considering me as a possible fight,” sabi ni Horn sa pa-nayam ng Sky Sports. “Since Bob Arum has jumped on board, it’s a move that we wanted to get, and he’s pretty much pulling it straight away.”

Nauna nang humingi si Pacquiao (59-6-2, 38 KOs) kay Arum ng Top Rank Promotions ng gua-ranteed prize na $20 milyon para labanan si unified light welterweight titlist Terence Crawford (30-0-0, 21 KOs).

Ngunit tila hindi ito kayang ibigay ni Arum kay Pacquiao kaya si Horn (16-0-1, 11 KOs) ang kanyang gustong itapat sa Filipino world eight-division champion.

Ang 28-anyos na si Horn ang No. 2 contender para sa suot na World Boxing Organization welterweight crown ng 38-anyos na si Pacquiao.

“I feel like my style will suit fighting Pacquiao,” wika ni Horn. “He’s a good mover, he’s a hard puncher, but he hasn’t knocked out any welterweights any time soon, and I don’t think he would be able to knock out me either, unless I ran into a big one of his.”

Kumpiyansa ang dating school teacher na mabibigyan niya ng magandang laban si Pacquiao.

“I think I’ve got the skills to upset him,” wika ni Horn.