Wemby, Paul magtatambal sa Spurs
SAN ANTONIO — Gagawin nina 7-foot-6 Victor Wembanyama at veteran point guard Chris Paul ang kanilang preseason debuts para sa San Antonio Spurs kontra sa Orlando Magic sa Frost Bank Center.
Hindi naglaro ang dalawa sa exhibition opener para magpahinga kasama sina injured Devin Vassell (foot), Charles Bassey (knee), Zach Collins (shoulder) at David Duke Jr. (hip).
Dahil dito ay natalo ang Spurs laban sa Oklahoma City Thunder, 107-112.
Sasalang si Wembanyama sa kanyang second season matapos ang historic rookie year kung saan siya tumipa ng mga averages na 21.4 points, 10.6 rebounds at league-leading 3.6 blocks.
Mabubuo sa Spurs ang tambalan nila ng 39-anyos na si Paul na binitawan ng Golden State Warriors.
Samantala, tinalo ng Phoenix Suns ang Detroit Pistons, 105-97, sa kanilang preseason game.
- Latest