Lakers lusot sa Knicks sa OT
LOS ANGELES - Kumolekta si Luka Doncic ng 32 points, 12 assists at 8 rebounds habang may 31 markers si LeBron James sa 113-109 overtime win ng Lakers sa New York Knicks.
Dumiretso ang Los Angeles (40-21) sa pang-walong sunod na ratsada matapos makabangon mula sa isang double-digit deficit sa New York (40-22) sa fourth quarter.
Iniskor ni James ang huling apat na puntos ng Lakers mula sa foul line at tumapos na may 12 rebounds at 8 assists.
Bumandera si guard Jalen Brunson para sa Knicks sa kanyang 39 points at 10 assists.
Nagtabla sa 107-107, ipinasok ni Jaxson Hayes ang dalawang free throws sa huling 59.7 segundo ng overtime kasunod ang dalawa pang foul shots ni James para sa 111-107 abante ng LA.
Sa Boston, bumira si Jayson Tatum ng 35 points sa paggiya sa nagdedepensang Celtics (45-18) sa 123-105 pagdaig sa Philadelphia 76ers (21-41).
Sa New York, nagbagsak si Stephen Curry ng 40 points, tampok ang pitong triples, sa 121-119 pagtakas ng Golden State Warriors (35-28) sa Brooklyn Nets (21-41).
Sa Atlanta, nagkuwintas si Trae Young ng 22 points at 16 assists sa 124-118 pagdagit ng Hawks (29-34) sa Indiana Pacers (35-26).
- Latest
