35 Indonesians sangkot sa illegal online gaming, pinalayas sa ‘Pinas
MANILA, Philippines — Ipina-deport na ng Bureau of Immigration (BI) ang 35 Indonesians na dating inaresto dahil sa pagtatrabaho sa isang illegal online gaming hub sa Lapu-lapu City, Cebu at sangkot umano sa scamming operations.
Iniulat ni BI Commissioner Joel Anthony Viado na ang mga deportees, ay binubuo ng siyam na babae at 26 na lalaki, at karamihan ay nasa 20s at 30s lamang ang edad.
Sila ay inaresto noong Agosto 31 at matapos isailalim sa deportation proceedings ay kaagad na pinalabas ng bansa lulan ng outbound flights sa Ninoy Aquino International Airport (NAIA) Terminal 3 noong Oktubre 22.
Tiniyak ni Viado na ang mga naturang ipina-deport na dayuhan ay isasama nila sa blacklist ng BI at hindi na papayagan pang makabalik ng bansa.
“The arrest and subsequent deportation of these foreign nationals send a strong message that illegal online gambling operations will not be tolerated,” ani Viado. “We remain committed to upholding the President’s directive to ban such activities, and we will continue to work closely with other government agencies to ensure that those involved in illegal operations are brought to justice.”
Binalaan din naman niya ang mga dayuhan na sangkot sa mga kahalintulad na aktibidad, “Anyone caught engaging in illegal work without proper documentation will face the full force of the law.”
- Latest
