Bebot huli sa P340K shabu

MANILA, Philippines — Tagumpay ang pagsisilbi ng search warrant ng Station Drug Enforcement Unit (SDEU) ng Muntinlupa City Police Station sa isang high value individual (HVI) na babae matapos masamsam sa kaniyang pag-iingat ang nasa 50 gramo ng shabu na May katumbas na halaga na P340,000.00, sa Barangay Poblacion, Muntinlupa City.

Kinilala sa alyas na “Janette”, 50, ang dinakip sa pamamagitan ng Search Warrant sa paglabag sa Republic Act 9165 (Comprehensive Dangerous Drugs Act of 2002) na inisyu ni Judge Myra B. Quiam­bao, ng Muntinlupa Regional Trial Court.

Sa pangunguna ni P/Captain Jospeh Rosit, nadakip ang pakay na si Janette, alas-6:07 ng umaga kahapon sa may National Road, Barangay Poblacion, Muntinlupa City.