3 sakay ng tricycle pinagbabaril, utas!

MANILA, Philippines — Dead-on-the-spot ang tatlong lalaki matapos paulanan ng bala ng hindi nakilalang mga salarin kahapon ng umaga sa Brgy. Basuit, San Ildefonso, Bulacan.

Batay sa inisyal na impormasyon, lulan ng tricycle ang tatlong biktima nang pagbabarilin ng hindi pa nakikilalang mga suspek sa Brgy. Basuit, umaga ng Sabado nitong Marso 16.

Ayon pa sa impormasyon, hinabol pa ng sinasabing mga salarin ang tricycle hanggang sa maabutan at pagbabarilin ito na agaran nilang ikinamatay.

Ilang mga residenteng namimitas sa kanilang pananim ang nakarinig ng mga putok ng baril sa nangyaring insidente.

Patuloy ang imbestigasyon ng pulisya sa pagkakakilanlan ng mga biktima at mga armadong suspek sa naturang krimen.