Honest na Job Order employee, prinomote

MANILA, Philippines — Instant promotion, cash reward at certificate of re­cognition ang ipinagkaloob ng Parañaque City government sa isang janitress  na nagsoli ng naiwang pera ng isang taxpayer sa city hall, kamakailan.

Si Helen Arellano, isang job-order employee ng janitorial services  ng Pa­rañaque City LGU ay binigyan ng pagkilala sa ginanap na flag raising ceremony kahapon  dahil sa kaniyang  katapatan at agad na prinomote  bilang isang casual employee mula sa dating job order position.

Nabatid na noong Nob­yembre 17, 2022 nang isoli ni Arellano ang na­pulot na P30,000. Nang tingnan ang dokumento kasama ng naiwang pera, natukoy ang may-ari na isang taxpayer ng Real Property Tax.

“We need more ho­nest employees like Helen Arellano, and we would like her to be a role model and a good example to all our employees,” ani Parañaque Mayor Eric Olivarez.