Mga barangay chairman na sasama sa kampanya ng national candidates, binalaan ng DILG

MANILA, Philippines — Nagbabala si Interior and Local Government Undersecretary Martin Diño sa lahat ng mga barangay chairman na iwasang sumama sa mga  kampanya at motorcades ng mga national candidates dahil maaaring kasuhan ang mga ito.

Sa Balitaan sa Maynila, sinabi ni Diño na dapat na pairalin ng mga kapitan ng barangay ang non-partisan at hayaang ang mga kandidato ang manuyo at mangampanya sa mga botante.

Ayon kay Diño, tungkulin ng mga barangay officials na siguraduhin na sumusunod sa kanilang  regulasyon ang mga kandidato at hindi gagawa ng  gulo sa kanilang nasasakupan.

Aniya, maaa­ring ka­suhan ang mga chairman sakaling may mag­reklamo at mapatuna­yan ang akusasyon. Hindi dapat na impluwensiyahan ng mga barangay officials ang kanilang mga nasasakupan dahil may kalayaan ang bawat isa na mamili ng kanilang  iboboto.