Truck ban muling ipatutupad sa Valenzuela
MANILA, Philippines — Simula ngayong Lunes, Disyembre 6, muling ipatutupad ng Valenzuela LGU ang truck ban.
Batay sa city ordinance ng Valenzuela-LGU, mula Lunes hanggang Sabado, bawal dumaan mula alas-6 ng umaga hanggang alas-10 ng umaga at alas-5 ng hapon hanggang alas-10 ng gabi sa ilang mga pangunahing kalsada ang mga truck.
Kabilang sa mga kalsada ay McArthur Highway; M.H. del Pilar Street; Governor Santiago Road; P. Santiago Street; Paso del Blas; Maysan Road; General P. De Leon; East Service Road mula Karuhatan hanggang NLEX; Que Grande; A. Mariano; Tatalong Ugong; Sapang Bakaw; General Luis at Galas Bignay Exit
Samantala, mula 6-10 ng umaga at mula alas-3 ng hapon hanggang alas-10 ng gabi ang ipatutupad na truck ban sa Bisig Road hanggang Tagalag Road.
Sakop ng truck ban ang mga may bigat na 4,500 kilo pataas.
- Latest
