Dalagita patay sa sunog sa Las Piñas
MANILA, Philippines — Isang dalagita ang nasawi sa sunog matapos hindi makalabas ng bahay at mabigong saklolohan sa Las Piñas City, Linggo ng umaga.
Sa ulat ng Fire Department III, Las Pin?as City Fire station, nagsimula ang sunog alas-7:55 ng umaga na mabilis ang pagkalat mula sa bedroom ng unang palapag ng 2-storey building sa No. 7 Acacia St., Camella 5,Barangay Pulang Lupa Dos.
Kinilala ang namatay na si Raniel Peña, 15 taong gulang na sinasabing natutulog nang magsimula ang apoy.
Ang nasabing residential house ay pag-aari umano nina Rhoniel at Rebecca Pen?a.
Wala namang nadamay na katabing bahay dahil umabot lamang sa unang alarma at naapula na ang apoy ganap na 8:54 ng umaga.
Tinatayang nasa P380,000 ari-arian ang napinsala.
Nabatid na isang pamilya lang ang nakatira sa nasunog na bahay na may pitong miyembro.
- Latest
