ACTO chairman Efren de Luna, pumanaw

MANILA, Philippines — Sumakabilang-buhay na ang kilalang public transport leader na si Efren de Luna sa edad na 67-anyos noong Biyernes.

Kinumpirma ito ng kanyang papatid na si Consuelo.

Si de Luna na chairman at national president ng Alliance of Concerned Transport Organization (ACTO), ay inatake sa puso noong Biyernes ng madaling araw.

“Inatake po siya sa puso noong Friday ng madaling araw,” ani Consuelo, sa panayam sa radyo nitong Sabado ng umaga. “67 po siya.”

Ang mga labi ni de Luna ay nakaburol sa Samson Funeral Homes sa Bacoor, Cavite,  ngunit hindi pa tinukoy kung kailan at saan ang libing nito.