Binata huli sa P6.8 milyong droga

MANILA, Philippines — Isang 23-anyos na binatang si  Jose John Colinares alyas C-John ng Macabebe, Pampanga ang nadakip ng  pulisya sa isang buy-bust operation sa Barangay E. Rodriguez, Cubao, Quezon City kamakalawa ng gabi.

Nabatid na isang undercover cop ang bumili ng P2 milyong halaga ng shabu mula sa suspek matapos na makatanggap ng tip hinggil sa ilegal na aktibidad nito.

Nang maisagawa ang transaksiyon ay kaagad na inaresto ang suspek na nakumpiskahan ng isang kilong  shabu na nagkakahalaga ng P6.8 milyon, ang cellphone na ginamit sa drug transaction at buy-bust money.

Ang suspek ay nakapiit na at sasampahan ng kasong paglabag sa Republic Act 9165 o The Comprehensive Dangerous Drugs Act of 2002.