Mag-asawang supplier ng solvent, timbog

MANILA, Philippines — Arestado ng mga tauhan ng Manila police ang mag-asawang supplier ng solvent sa mga batang kalsada, kamakalawa ng hatinggabi sa Tondo, Maynila.

Kinilala ang mga suspek na sina Romeon Lontoc, 36 at Esperanza Lontoc, 31, kapwa residente ng Asuncion corner Lakandula Sts.,Tondo, Maynila.

Ayon sa pulisya  na nagsasagawa sila ng ­Anti-Criminality campaign sa lugar nang makatanggap ng impormasyon kaugnay sa iligal na gawain ng mag-asawa.

Nang beripikahin nagpositibo ang sumbong kaya binitbit sa presinto ang mga suspek.

Nakumpiska sa mag-asawa ang tatlong plastic container ng solvent, isang timba at maliit na plastic container na may lamang solvent.

Ang mag-asawa umano ang nagsu-supply at nagbebenta sa mga  solvent boys sa Tondo area.