LGBT pedestrian lane sa Manila City hall

MANILA,Philippines — Ipinakita ni Manila Mayor Isko Moreno ang kanyang suporta sa  Lesbian, Gay, Bisexual, Transgender (LGBT) community nang pinturahan ng rainbow  ang pedestrian lane sa tabi ng city hall.

“Pinangako ko sa LGBT society that we just want to show you in our own little way how sensitive we are with your plight,” ani Moreno.

Ayon kay Moreno, nais niyang malaman at maramdaman ng  LGBT na tanggap sila ng lipunan at sa mga polisiya ng pamahalaan.

Aniya ang lahat ay dapat pantay -pantay at walang nilalamangan o inaapakan.

Plano ni Moreno na dagdagan ang mga  rainbow pedestrian lanes sa lungsod.

Sinabi ni Moreno na pangako niya ito sa  LGBT community  at titiyakin niyang maidaos ang “biggest mardi gras parade” sa Maynila.