Lalaki lasog sa tren

MANILA, Philippines -  Nalasog  ang isang lalaki matapos itong masagasaan ng isang train  dahil sa labis na kalasingan, kamakalawa ng gabi sa Muntinlupa City. Kinilala  ang biktimang si Relbin Buhay, 25-anyos.

Sa report, naganap ang insidente alas-7:45 kamakalawa ng gabi sa South bound ng PNR Site, Brgy. Buli, Muntinlupa City habang nakaupo ang lasing na biktima sa may riles habang papa­rating naman ang isang train na may  body number 5.

Sa kalasingan ng biktima ay hindi ito nakaalis  ng relis at huli na bago napansin ng train operator na nasagasaan niya ito. Iniimbestigahan pa ng Muntinlupa City Traffic Bureau kung sadyang nagpasagasa ang biktima o dahil sa sobrang kalasingan ay naka­tulog ito  kung kaya’t hindi ito nakaalis ng riles.