Serial rapist, itinumba
MANILA, Philippines – Tinuldukan na ang buhay ng isang ‘serial rapist’ matapos pagbabarilin ng hindi pa nakikilalang suspek habang ang biktima ay naglalakad pauwi sa kanilang tahanan matapos na siya ay i-release sa kulungan sa Mandaluyong City, kamakalawa ng gabi.
Ang biktima ay kinilalang si Ernesto Montero, nakatira sa Brgy. Addition Hills, Mandaluyong City.
Ang pagpatay sa biktima ay naganap dakong alas-6:00 ng gabi sa Maysilo Circle, Mandaluyong City.
Ayon sa report, kalalabas lang ng kulungan ng biktima dahil sa kasong rape at naglalakad ito pauwi sa kanilang tahanan noong lapitan ng suspek at walang sabi-sabing pagbabarilin.
Nagtamo ang biktima ng maraming tama ng bala sa iba’t-ibang bahagi ng kanyang katawan na siyang dahilan ng kanyang kamatayan.
Nabatid na ni-release for further investigation ng piskalya ng Mandaluyong ang biktima dahil sa kasong rape noong siya ay abangan at pagbabarilin.
Bukod sa pagiging ‘rapist’ ay sinasabing drug adik din ang nasawi na responsable sa sunod-sunod na rape incident sa kanilang lugar.
- Latest
