Amerikano nabagsakan ng gypsum board sa NAIA

MANILA, Philippines – Nasaktan ang isang 30-anyos na American national matapos itong mabagsakan ng gypsum board mula sa kisame ng isang restaurant sa departure area ng Ninoy Aquino International Airport (NAIA) terminal 3, kahapon ng umaga.

Nakilala ang pasahero na isang Day Adam Warner,  na nagtamo ng mga gasgas sa kanang braso nang bumagsak ito sa kanya.

Ayon sa ulat, nag-aalmusal si Warner at pamilya nito sa Sweet ­Ideas restaurant sa may pre-departure area habang inaantay ang kanilang flight papuntang US via Tokyo, Japan, ng mangyari ang aksidente bandang alas -7 ng umaga.

Patuloy namang nagsasagawa ng imbestigasyon ukol sa pangyayari, samantalang pansamantala namang isinara ang nasabing restaurant.