Nagbenta ng kidney, natagpuang patay
MANILA, Philippines – Natagpuang patay ang isang babaeng pulubi na may sakit dahil sa pagbebenta ng isa nitong kidney, sa bangketa ng Ermita, Maynila, kahapon ng hapon.
Base sa nakuhang mga dokumento at medical certificate sa biktimang si Emily Tagadigon, tubong Tibungco, Davao City na palaboy sa lungsod, na-diagnose ito ng Rizal Medical Center Social Work Service sa Pasig City na may sakit sa kidney.
Dakong alas-12:00 ng hapon kahapon nang madiskubreng walang buhay ang biktima sa bangketa ng Romualdez St., malapit sa Petron Gas station sa United Nations Avenue, Ermita.
Sa imbestigasyon ni PO3 Bernardo Cayabyab ng Manila Police District-Homicide Section, nakita na lamang ng kapwa scavenger na si Ronnie De Vera ang biktima na hindi na gumagalaw.
Sinasabing dati nang nagbenta ng kidney ang biktima.
- Latest
