Pekeng pulis na ‘tulak’ pa, arestado
MANILA, Philippines – Naaresto ng operatiba ng National Capital Region Police Office (NCRPO) ang isang pekeng pulis na ‘tulak’ din ng iligal na droga sa isinagawang buy-bust operation sa Quezon City kahapon ng umaga.
Kinilala ni NCRPO Regional Director Joel D. Pagdilao ang arestadong suspek na nagpakilalang si 1st Lieutenant Janil Sultan J. Pithiilan ng umano’y Interpol at nakatira sa may Salam Mosque. Brgy. Culiat, Quezon City.
Si Pithiilan ay nakapiit ngayon sa detention cell ng NCRPO sa Camp Bagong Diwa, makaraang sampahan ng kasong paglabag sa R.A. 9165. Comprehensive Drug act of 2002.
Base sa report ni P/Supt. Roberto Razon, dakong alas-9:00 ng umaga nang sorpresahin sa parking lot ng isang mall ang suspek sa isinagawang buy-bust operation ng mga tauhan ng Regional Anti-Illegal Drugs Special Operation Task Group (RAIDSOTG) sa pamumuno ni SPO4 Arsenio Caraveo.
Nakumpiska sa bogus na police officer ang P100,000. halaga ng shabu, glock .45 at mga tsapa ng Interpol.
Ayon kay Pagdilao, patuloy ang kampanya ng NCRPO laban sa iligal na droga at sa kriminalidad sa buong Metro Manila lalo na ngayong Kapaskuhan.
- Latest
