Kelot utas sa dating ka-live-in
MANILA, Philippines – Patay ang isang lalaki makaraang dalawang beses na saksakin ng dati nitong karelasyon sa gitna ng kanilang pagtatalo, kamakalawa ng hapon sa Caloocan City.
Nakilala ang nasawi na si Alejandro Calza, Jr., 25, residente ng Phase 9 Package 6 Block 68 Lot 27 Brgy. 176 Bagong Silang, ng naturang lungsod.
Pinaghahanap naman ngayon ang nakatakas na suspek na si Glenda Villanueva-Domingo, 33, residente rin ng naturang lugar.
Sa ulat ng pulisya, nabatid na nagtatalo sa hindi pa mabatid na dahilan sina Calza at Domingo dakong alas-4 ng hapon sa loob ng kanilang bahay.
Sa kainitan ng pagtatalo, nakakuha ng patalim ang babae at dalawang beses na tinarakan sa katawan si Calza saka mabilis na tumakas. Agad namang naisugod ang biktima sa Dr. Jose Rodriguez Hospital ngunit hindi na umabot ng buhay.
- Latest
