Kasambahay tumalon mula 4th floor ng bahay, lasog
MANILA, Philippines - Patay ang isang kasambahay matapos itong magpatiwakal sa pamamagitan nang pagtalon mula sa ikaapat na palapag ng bahay na pinagtatrabahuan nito dahil umano sa depression, kamakalawa ng gabi sa Makati City.
Nasawi noon din ang biktimang si Nelly Rosaroso, 53, stay-in kasambahay sa Solchuaga St., Brgy. Tejeros ng naturang lungsod.
Lumalabas sa pagsisiyasat ni SPO2 Jayson David, ng Homicide Section, Station Investigation and Detective Management Branch (SIDMB), Makati City Police, naganap ang insidente alas-7:20 ng gabi sa may apat na palapag na bahay na pinagtatrabahuan ng biktima sa naturang lugar.
Nabatid na nasa laundry area ang biktima, na nasa ikaapat na palapag, nang bigla na lamang itong tumalon.
Bago ang insidente, kinakitaan ang biktima na laging malungkot. Hinihinalang matinding depression ang nagtulak dito para gawin ang pagpapatiwakal, gayunman patuloy pa ring sinisiyasat ang insidente.
- Latest
Marikina City Government, magdaraos ng libreng Year-End concert at fireworks display sa Disyembre 30
