Van vs motorsiklo: 1 patay

MANILA, Philippines – Patay ang isang motorcycle rider matapos na mabangga ng isang van ang sinasakyan nitong motorsiklo sa Brgy. Nangka, Marikina City kahapon ng madaling-araw.

Nakilala ang nasawi na si Leofidel Iglesias Sarmiento, 30, ng San Mateo, Rizal.

Nasa kustodiya naman ng mga awtoridad ang driver ng van na si Rene Nazareno Casidsid, 48, ng Greenpark, Cainta, Rizal.

Dakong ala-1:45 ng madaling-araw nang maganap ang insidente sa JR Rizal St. corner Saint Benedict St. sa naturang barangay.

Minamaneho ng biktima ang kanyang SYM motorcycle (4255 SG) habang sakay naman si Casidsid ng kanyang Fuso Canter van (UTD 807) nang magkasalubong ang mga ito at aksidenteng magkabanggaan.

Nahulog sa motorsiklo ang biktima habang ang kanyang sasakyan ay nakaladkad pa ng van may ilang metro ang layo sa pinangyarihan ng banggaan.