7 miyembro ng sindikato kalaboso sa QC

MANILA, Philippines – Himas-rehas ngayon ang pitong miyembro ng sindikatong nasa likod ng pagtutulak ng ilegal na droga at pagnanakaw sa lungsod ng Quezon.

Nagsanib pwersa ang mga tauhan ng Criminal Investigation and Detection Group (CIDG), Kamuning police at Regional Public Safety Battalion upang madakip ang mga suspek na pininiwalaang miyembro ng Bituin group.

Nakilala ang mga suspek na sina Dick Cheney Salunoy, Anjo Rosales, Ibrahim Salindal, Efren Valerio, Pepe Rafael, Chrismar Calma at Onte Radzak.

Bigo namang maaresto ng mga awtoridad ang gang leader na si Abdu Bayan Abdullah na wala sa lugar nang maganap ang raid..

Sinasabing gun-for-hire, robbery, car theft at illegal drug trade ang operasyon nina Salunoy, Salindal at Abdullah.

Nabawi ng mga awtoridad ang apat na cal. 45 pistols,  dalawang cal. 38 revolvers, at. 22 revolver.

Nakakuha din ng shabu at marijuana ang mga pulis sa bahay ng mga suspek.