Snatcher sa mga PUJ, timbog
MANILA, Philippines – Arestado ang isa sa dalawang kilabot na snatcher ng mga pasahero ng mga public utility vehicle (PUJ) makaraang maispatan ng awtoridad na muling nambibiktima sa lungsod Quezon, iniulat kahapon.
Kinilala ang suspek na si John Michael Masangkay at residente sa lungsod.
Personal na kinilala si Masangkay ng kanyang biktima na si Dexter Ramirez, 26, ng Marikina City.
Nangyari ang insidente habang sakay si Remirez ng pampasaherong jeepney patungong Marikina, ganap na-alas 8 gabi.
Pagsapit sa Aurora Blvd., corner JP Rizal St., Brgy. Marilag, bigla na lamang sumakay ng jeep si Masangkay kasama ang isa pa at sinuntok sa mukha si Ramirez bago puwersahang kinuha ang bag nito na naglalaman ng pera at cell phone saka tumakas.
Agad namang nagtungo si Ramirez sa Police Station 8 at nagsagawa ng follow-up operations, kung saan naispatan muli si Masangkay sa lugar at naaresto.
- Latest
