Kelot utas sa riding-in-tandem
MANILA, Philippines – Dead-on-the-spot sa lugar ang isang lalaki makaraang pagbabarilin sa mukha ng riding-in-tandem habang ang una ay nakatayo sa harap ng isang bahay sa lungsod Quezon, kahapon ng umaga.
Ayon kay SPO2 Jimmy Jimena, ang biktima ay nakilala sa pamamagitan ng kanyang identification card na si Ruel Jovellano, 38, residente sa P. Guevarra St., San Juan City.
Mabilis naman anyang tumakas sa lugar ang mga suspek makaraang isakatuparan ang nasabing krimen.
Nangyari ang insidente sa may Driod St., Brgy. Kaunlaran, Cubao, ganap na alas-10 ng umaga.
Base sa pahayag ng ilang nakasaksi, nakatayo lamang anya ang biktima sa lugar nang dumating ang mga suspek na nakamotorsiklo at kinausap pa ng una.
Ilang sandali, bigla na lamang anyang bumaba ang backrider saka pinagbabaril sa mukha ang biktima, bago nagsipagtakas.
Inaalam pa ng awtoridad ang ugat nang pamamaslang sa biktima.
- Latest
