Binata nagbigti

MANILA, Philippines - Winakasan ng isang 27-anyos na binata ang sariling buhay makaraang magbigti sa loob ng kanyang kuwarto, kamakalawa sa Malabon City.

Isinugod pa sa Pagamutang Lungsod ng Malabon ngunit hindi na umabot pang buhay si Jose Paviricio, residente ng Brgy. Longos, ng naturang lungsod.

Sa ulat ng pulisya, dakong alas-11:30 ng umaga nang madiskubre ang ginawang pagbibigti ni Paviricio ng pinsan nitong babae.  Nabatid na gumamit ang biktima ng alambre na ipinulupot sa leeg sa isinagawang pagpapatiwakal.

 Ayon kay Wilma Adeve, dakong alas-6 ng umaga nang huli niyang makitang buhay ang pinsan. Nagkakape umano siya nang makita niyang umakyat ito sa ikalawang palapag ng bahay. Blangko naman ang mga kaanak ng mga biktima sa tunay na sanhi ng pagpapatiwakal ng biktima na hindi naman nasabi sa ulat kung nag-iwan ng suicide note.