Ina sinisisi ang manugang sa pagkamatay ng anak

MANILA, Philippines – Inakusahan ng isang ina ang kanyang manugang ng pagpatay sa kanyang 23-anyos na anak sa Quezon City.

Kinasuhan ni Shirley Mito ng murder ang manugang niyang si Fortunato de Guzman sa Quezon City Police District dahil sa papatay umano sa anak niyang si Delaila noong Mayo 1.Naunang naiulat na nagpakamatay ang babae ngunit hindi kumbinsido si Mito matapos marinig ang sinabi ng kanyang apo.

Takot umano ang apo ni Shirley na magtungo sa lamay ni Delaila dahil sa kay Fortunato.

Sinabi ng bata na “Mommy away Daddy” kaya naman naghinala si Shirley na may kinalaman si Fortunato sa pagkamatay ni Delaila.

Natagpuan ang bangkay ni Delaia sa loob ng kanilang bahay sa Interior II, Kilusan Street, Barangay Old Balara, Quezon City na nakabigti.

Pinaghahahanap na ng mga awtoridad si Fortunato.