Helper utas sa ligaw na bala

MANILA, Philippines - Patay ang isang lalaki matapos tamaan ng ligaw na bala habang sakay ito ng isang truck sa lungsod Quezon, kahapon ng madaling-araw.

Si Jimbo Salvador, 21,  ng San Mateo Rizal ay nagawa pang maitakbo sa ospital pero idineklara ring dead on arrival, ayon kay PO2 Alvin Quisumbing, may-hawak ng kaso.

Sabi ni Quisumbing, nangyari ang insidente sa may kahabaan ng Regalado Avenue, malapit sa Commonwealth Avenue, Brgy. Greater Lagro, ganap na alas-4:35 ng ma­daling-araw.

Bago ito, sakay ang biktima ng dump truck (RBR-549) kasama ang kanyang tatay na si Mang Zosimo at tinatahak ang nasabing lugar nang biglang bumuwal ang una dahil sa tama ng ligaw na bala sa dibdib.

Agad na isinugod ng kanyang tatay ang biktima sa Common­wealth General Hospital, subalit hindi na rin ito umabot­ pa ng buhay. Patuloy ang imbestigasyon ng awtoridad sa nasabing in­sidente.