Bumati ng happy birthday, kritikal sa taga
MANILA, Philippines - Kritikal ang isang lalaki makaraang tagain ng isang mister na nagselos matapos na batiin ng una ng “Happy Birthday†ang misis ng suspek, kahapon ng madaling-araw sa Malabon City.
Isinugod sa Jose Reyes Memorial Medical Center dahil sa taga sa ulo at katawan ang biktimang si Randy Sabanal, 30, ng Dr. Lascano St., Brgy. Tugatog, ng naturang lungsod.
Tumakas naman ang salarin na nakilalang si Jeffrey MirandaÂ, alyas Jeffrey Kabayo, kapitbahay ng biktima.
Sa ulat ng Malabon Police, dakong alas-2 ng madaling araw nang batiin umano ni Sabanal ng “Happy birthday†ang misis ni Miranda na nagtatrabaho sa loob ng isang videoke bar sa naturang lugar.
Dito nagalit si Miranda na kinompronta ang biktima at humantong sa mainitang pagtatalo. Naawat naman agad ito ng mga kasamahan hanggang sa magsiuwian na.
Lingid kay Sabanal, inabangan ito ng suspek na si Miranda na armado ng itak at pinagtataga nang maabutan sa isang kalsada. (
- Latest
