Paralisadong ginang, hinalay ng anak

MANILA, Philippines - Kalaboso ang isang  21-anyos na adik matapos umano nitong gahasain ang sariling ina na paralisado, kamakailan sa Taguig City.

Ayon sa Taguig City Police, hindi muna nila pinababanggit ang pangalan ng suspek upang ma-protektahan ang pagkakakilanlan ng  biktima  at kahapon nga ay isinampa na nila ang kasong incest rape sa naturang suspek.

Sa pahayag ng 39-anyos na ginang kay PO3 Cynthia Nanggan, ng Women and Children’s Protection Desk (WCPD) ng Taguig City Police­, naganap aniya ang pang­hahalay sa kanya ng sariling anak pasado alas-9:00 ng gabi  noong Biyernes, Peb­rero 7 ng taong kasalukuyan sa loob ng kanilang tirahan sa Creekland, Brgy. Hagonoy ng naturang lungsod.

Lumabas sa imbestigas­yon na nag-inuman ang mag-ina sa loob ng bahay nang magpasya ang suspek na gumamit ng shabu makaraang makaubos ng ilang bote ng beer.

Habang lango sa ipinagbabawal na droga, pinasok ng suspek sa silid ang ina, binusalan ang bibig at saka hinalay.

Hindi umano makapan­laban ang ginang dahil para­li­sado na ang kalahati ng ka­tawan matapos ma-stroke.

Matapos ang pangha­halay, nagtatakbong palabas ang suspek habang nakapagsumbong naman ang biktima sa barangay hanggang madakip ng mga Barangay Security Force sa pangu­nguna ni Ronelo Laraya ang una sa Barangay Central Signal ng  naturang siyudad.