P1.3-B shabu nasamsam: 4 timbog

MANILA, Philippines - Tinatayang aabot sa 272 kilo ng shabu na pinanini­wa­laang nagkakahalaga ng P1.3-B ang nasamsam ng pulisya mula sa nadakip na apat na suspek sa isinagawang ope­rasyon kahapon ng hapon sa Parañaque City.

Kinilala ang nadakip na sina Robert Tan; Oliver Tan; Mark June San Gabriel at Felino Lopez.

Nabatid sa Philippine Na­tional Police Anti-Illegal Drugs Special Operations Task Force (PNP-AIDSOTF) at sa PDEA  na isinagawa ang opera­syon ala-1:00 ng hapon sa Marina Bay, Parañaque City.

Napag-alaman na  naka­lagay ang droga sa anim na kahong yari sa kahoy at sakay ng silver na Mitsubishi Adventure na may plakang WVI-579 kung kaya’t sinundan ito ng operatiba.

Sinasabing bago ito na­katanggap ng impormasyon ang pulisya tungkol sa ilegal na aktibidad ng mga suspect­.     

Giit ng isa sa mga suspek na si Robert,  binayaran siya ng P70,000 upang kunin ang mga kahon mula sa Sentosa at ibibiyahe niya sana patu­ngong Cavite.