Informer, kritikal sa ‘tulak’
MANILA, Philippines - Nasa kritikal na kondisyon ngayon ang isang 44-anyos na lalaki makaraang barilin ng isang kilalang tulak ng iligal na droga matapos na pagkamalang informer ng mga pulis, kamakalawa ng gabi sa Pasay City.
Nakaratay ngayon sa San Juan De Dios Hospital ang biktimang nakilalang si Felimon Aragon, ng Cabuyao, Laguna makarang magtamo ng tama ng bala sa likod at puwitan.
Pinaghahanap naman ngaÂyon ang suspect na nakilala lamang sa alyas “Nashâ€, tubong Marawi City, makaraang tumakas matapos ang pamamaril.
Sa ulat ng Pasay Police, nagÂlalakad sa madilim na bahagi ng Narra Street sa naturang lungsod dakong alas-10 ng gabi ang biktima nang biglang sumulpot ang suspect buhat sa likuran at dalawang beses na binaril si Aragon.
Kahit na sugatan, nagawa pa ring makatakbo ng biktima at makahingi ng tulong sa kanyang kaibigan na si Angelo Tan na siya ring nagsugod sa kanyang sa pagamutan.
Habang nasa daan, nagawang maituro ng biktima kay Tan na si alyas Nash ang bumaril sa kanya sa pag-aakalang informer siya ng mga pulis.
- Latest
