3 ‘tulak’ huli sa drug bust

MANILA, Philippines - Kalaboso ang tatlong katao kabilang ang isang babae sa isang makakahiwalay na anti-drug operation sa Malabon City kamakalawa ng gabi.

Kinilala ang mga nadakip na sina Maricel Dela Merced, 36 at William Ocampo, 41.

Nabatid na nakatanggap ng impormasyon ang mga pulis na nagbebenta ng shabu ang mga suspek sa nasabing lugar na naging dahilan upang magsagawa ng buy-bust operation alas-9:30 ng gabi.

Nang iabot ng mga suspek ang sachet ng shabu na hindi pa batid ang dami sa pulis na nagsilbing poseur buyer ay mabilis na dinamba ang mga ito.

Samantala, alas-11:30 ng gabi nang magsagawa ng operation ang mga pulis sa Tumariz St., Brgy.  Tugatog ng naturang lungsod kung saan nadakip si Albert Mesina, 38, ng Silang, Cavite na nahulihan ito ng dalawang sachet ng shabu.