Hiniya ni misis, mister pumatay ng tatlo
MANILA, Philippines - Sa mismong Todos Los Santos, natodas ang tatlo katao nang pagbabarilin ng isang mister na hiniya at sinampal ng misis sa harap ng mga kainuman sa Port Area, Maynila, kahapon ng madaling-araw.
Kinilala ang mga biktimang sina Peter Masamlok , 42; Russel Galo, 26, at isang hindi pa kilalang lalaki na inilarawan sa edad na 20-25, nasa 5’5 ang taas, slim, nakasuot ng brown na pantalon at sky blue na t-shirt.
Bigo namang madakip sa isinagawang follow-up operation ang suspect na kinilalang si Jamil Datumalo, tubong Lanao del Sur at residente sa 12th St., Port Area, Maynila, dahil wala na ito at buong pamilya sa kaniyang bahay.
Sa ulat ni PO3 Jupiter Tajonera, ng Manila Police District-Homicide Section, dakong alas-3:30 ng madaÂling-araw ng maganap ang pamamaril sa 12th St., Port Area, Maynila, sakop ng Brgy. 650, Zone 68.
Sa imbestigasyon, nag-iinuman ang grupo ng mga biktima sa nasabing lugar at sa hiwalay na inuman naman naka-grupo ang suspect, nang biglang lumutang ang misis nito at sinampal ito sa harap ng mga kainuman,
Nang mapansin na nakatingin at pinapanood siya ng mga biktima ay saglit na umuwi ito ng bahay ang suspect at sa pagbabalik ay pinaulanan ng bala ang grupo ng mga nasawi.
Nang magsitumba na ang tatlo, sinubukan ding barilin ng suspect ang isang Mel Dati, 41, residente ng nasabing lugar, subalit tatlong beses na pumalya o hindi pumutok ang baril ng suspect kaya mabilis na lamang itong tumakas.
Dead-on-arrival ang mga biktimang sina Masamlok at ang hindi pa kilalang lalaki habang alas-11:05 na ng umaga nang bawian ng buhay si Galo.
- Latest
