Barilan sa tupada: 2 patay
MANILA, Philippines - Dalawa katao ang patay kabilang ang isang retiradong pulis matapos na magbarilan sa isang tupadahan noong Linggo sa Tondo, Maynila. Dead on the spot si retired SPO2 Roberto Paulino, 56, ng Delpan St., Binondo habang binawian naman ng buhay sa Mary Johnston Hospital si Julieto Oliver, 41, ng 2 Parola Compound, Tondo.
Sa imbestigasyon ni SPO1 Jonathan Moreno, ng MPD homicide, alas-4:30 ng hapon nang maganap ang insidente nang humantong sa pagtatalo ang pambabatok ni Paulino kay Oliver sa isang tupada sa Area-A, Parola Compound sa Tondo.
Sa galit ni Oliver, agad umanong binunot ang kalibre 45 na baril saka binaril si Paulino. Gamit naman ang kalibre .38 baril, gumanti ng putok si Paulino. Isinugod sa Mary Johnston Hospital ang suspect na si Oliver ngunit alas 7:25 ng umaga kahapon ng binawian ito ng buhay dahil sa tama ng bala ng baril.
Blangko pa ang pulisya sa dahilan ng pagkakainitan ng daÂlawa na nauwi sa kanilang kamatayan.
- Latest
