Koleksiyon ng MTPB tumaas

MANILA, Philippines - Matapos na ipatupad ang paghihigpit laban sa mga traffic violation sa lungsod ng  Maynila  tumaas ang ko­leksiyon ng Manila  Traffic and Parking Bureau (MTPB).

Ito naman nabatid mula kay MTPB chief Director Carter Don Logica kung saan sinabi nito na target pa rin nila na mas mapataas pa ang koleksiyon kasabay ng ipatutupad na ‘no contact ‘policy sa mga susunod na buwan.

Ayon kay Logica, sa mga motorista na lumabag  sa traffic rules umaabot sa  P3.7 milyon ang naging­ koleksiyon ng  kanyang tanggapan sa buwan lamang ng  Hulyo na sinundan naman ng  koleksiyon na aabot sa  halos P2 milyon mula sa mga nagbabayad ng  parking­ fees.

Aniya,  malaking tulong  ang nasabing koleksiyon­  upang maipatupad ng city go­vernment ang mga proyekto para sa mga  Manilenyo.

Samantala, nakatakda na­­mang ihayag ni Manila Mayor Joseph Estrada bukas  ang pagbabalik ng 20 porsiyentong komisyon ng mga traffic enforcer.

Matatandaan inalis ang 20 porsiyentong komisyon­ ng mga MTPB traffic at parking­ personnel dahil na rin sa iba’t ibang  reklamo.

Subalit tiniyak naman ng  MTPB na ang  nasabing komisyon ng mga personnel ay batay sa lehitimong pag­huli sa mga  traffic violator.