6,292 kabataan kumita sa summer program

MANILA, Philippines - Aabot sa kabuuang 6,292 ka­ bataang residente ng Makati City ang nakinabang sa ibinigay na summer programs hindi lang sa mga estudyante ngunit maging sa mga “out-of-school youth”.

Sinabi ni Mayor Junjun Binay na nakatulong ang inilunsad nilang Go­vernment Internship Program (GIP) at Special Program for the Employment of Students (SPES) sa pag-iipon para pan­dagdag sa matrikula ng mga estudyante at pagkakakitaan ng mga hindi maka­pag-aral.

Magtutuluy-tuloy umano ang prog­rama sa mga susunod na bakasyon hindi lang upang magbigay ng kita sa mga kabataan ngunit upang ma­ka­kuha ng dagdag na karanasan at kaalaman ang mga ito para matulu­ ngan silang makahanap ng trabaho.

Ayon sa Makati Public Employment Service Office (PESO), nagsimula ang GIP para sa mga out-of-school youth mula Marso 25 hanggang Abril 30 na may 4,292 natanggap. Nasa 2,000 estud­yante­ naman ang sumailalim sa SPES mula Marso 14-Hunyo 8. Sa ilalim ng GIP, kumita ang mga kabataan ng P7,866 habang nasa P10,488 naman ang sinahod ng mga estudyante sa ilalim ng SPES.