2 US citizen sinalakay ng holdaper

MANILA, Philippines - Bigo ang tatlong hol­­daper na maholdap ang dalawang American national makaraang puma­lag ang isa sa mga biktima na nakakuha ng atensyon ng taumbayan, kahapon ng madaling-araw sa Pasay City.

Dumulog sa Pasay City Police ang mga biktimang sina Michael Turner, tubong California, USA at Filipino-American na si Jaime Tubalinal, 52, tubong Nueva Ecija.

Sa ulat ng Pasay City Police, naghihintay­ ng masasakyang bus dakong alas-5 ng ma­­ da­ling-araw sa may EDSA cor. Celle Street, patungong Ni­noy Aquino­ International Airport ang dalawa dahil sa pa­­pauwi sa Estados Unidos si Turner makaraang magbakasyon sa lalawigan ni Tubalinal.

Ayon kay Turner, naglalakad sila sa lu­gar nang unang lapitan si Tubalinal ng isa sa mga holdaper at tutukan ng patalim. Isa sa mga hol­daper ang lumapit sa kanya at tinangkang hablutin ang dala niyang laptop bag habang nakamasid lamang ang ikatlong salarin.

Nanlaban ni Turner kung saan sinuntok siya ng ikalawang suspek  ngunit nagawa niyang ma­kahulagpos at magtatakbo sa gitna ng kal­sada at humingi ng saklolo na nakakuha ng atensyon sa taumbayan sa lugar. Dito na nagkanya-kanyang takas ang mga holdaper at iniwan ring ligtas ang biktimang si Tubalinal.