Biktima ng salvage natagpuan

MANILA, Philippines - Isang lalaki na hinihinalang biktima ng sum­mary execution ang na­tagpuan sa isang lugar sa lungsod ng Quezon, ka­hapon ng madaling araw.

Walang nakuhang anu­mang pagkakakilan­lan sa nasabing biktima na nakita ganap na alas-2:30 ng madaling araw sa may kahabaan ng Perez St., Freedom Park 5, Brgy. Batasan Hills.

Isinalarawan ito sa pagitan ng edad na 35-40, may taas na 5’6, medyo kalbo, at naka­suot ng kulay violet na t-shirt at puting short pants.

Ang biktima ay nakitaan ng dalawang sugat sa kanyang kanang hita at mga tama ng bala sa katawan at ulo.

Sa kasalukuyan, pa­tuloy pa ring inaalam ng awtoridad ang pagkakakilanlan ng nasa­ bing biktima.