Lolo tumalon sa footbridge, lasog

MANILA, Philippines - Lasog ang 65-anyos na lolo matapos itong tu­malon mula sa isang  footbridge sa Caloocan City kahapon ng umaga.

Namatay habang gi­na­­gamot sa Manila Cen­tral Uni­versity (MCU) Hos­pital sanhi ng pinsala sa ulo at katawan ang biktimang si Marcial Mallo,  ng Lansones St., Brgy. Po­ trero, Ma­labon City.

Ayon sa Caloocan City Police, naganap ang insi­dente dakong alas-6:15 ng umaga sa isang footbridge sa kahabaan ng EDSA Ave­nue, Monu­mento ng natu­rang siyudad.

Nabatid na kasamang umakyat ng biktima ang apong si John Paul sa na­turang footbridge at nang nasa itaas na ay biglang tu­malon ang matanda at lumagpak sa sementadong kalsada na naging dahilan upang dalhin ito sa nabanggit na ospital.

Habang sinusulat ang balitang ito ay inaalam pa ng mga pulis ang dahilan ng pagpapakamatay ng biktima.