150 pamilya nasunugan
MANILA, Philippines - Mahigit 150 pamilya ang nawalan ng tahanan sa isang sunog na tumupok sa residential block sa Mandaluyong City kamakalawa ng gabi.
Batay sa ulat ni SFO1 Louie Abenales, dakong alas-9:20 ng gabi nang magsimula ang sunog na tumupok sa tinatayang may 30 tahanan sa Abelas Compound sa Brgy. Mabini J. Rizal sa Mandaluyong City.
Umabot ng ikatlong alarma ang sunog bago tuluyang naapula dakong alas-10:30 ng kahapon ng maÂdaling-araw.
Sa pagtaya ng mga awtoÂridad, aabot sa mahigit kalahating milyon ang halaga ng mga ari-ariang natupok sa sunog. Walang nasaktan o nasawi sa insidente.
Iniimbestigahan na ng mga awtoridad ang ulat na ang sunog ay nagsimula umano sa bahay na pagma-may-ari ng isang Delia Suan, kung saan nanunuluyan ang isang Corazon Ladrera.
Inaalam na rin umano ng mga imbestigador kung nagsimula nga ba ang sunog sa isang napabayaang kandila o sa bagang ginagamit sa pagluluto.
- Latest
