Driver binoga habang namamasada
MANILA, Philippines - Patay ang isang tricycle driver makaraaang patraydor na barilin sa likuran ng kanyang ulo ng hindi nakilalang suspect habang ang una ay namamasada sa lungsod Quezon kamakalawa ng gabi.
Nakilala ang nasawi na si Fernando Libongcogon, 30, ng Brgy. Payatas sa lungsod.
Nangyari ang insidente sa may kahabaan ng Ilang ilang St., partikular sa harap ng Wizard Internet shop sa Brgy. Payatas, ganap na alas-9:15 ng gabi.
Sabi ng testigong si Lucy Baliwagan, nasa loob siya ng kanilang bahay nang makarinig siya ng mga putok ng baril mula sa labas. Agad siyang lumabas para tingnan hanggang sa makita niya ang biktima na nakahandusay sa kanyang pinapasadang tricycle at duguan.
Ipinabatid naman ng ilang residente ang nakita sa brgy. hall na siya namang nagparating ng impormasyon sa pulisya. (Ricky Tulipat)
- Latest
