P260-M marijuana sinunog

MANILA, Philippines - Sinunog ng pinagsanib na operatiba ng National Bureau of Investigation, Phi­lippine Drug Enforcement Agency, Philippine National Police at Philippine Air Force  ang  mga pananim na marijuana na nagkakahalaga ng P260-M sa dalawang bayan sa Benguet.

Sa nakarating na report kay NBI Director Nonnatus Caesar R. Rojas mula sa NBI-Cordillera Adminis­tra­tive Region (CAR) na pinamumunuan ni Regional Di­rector Jose A. Limmayog, Jr., ginawa ang pagsira sa da­lawa at kalahating ektarya ng fully grown marijuana  ang sinunog mula April 14-20, 2013.

Ito umano ay nasa 51 plantation sa mga bayan Kibu­ngan at Bakun sa Benguet.

Ayon sa Dangerous Drugs Board (DDB) umaabot sa P260,972,800.00 ang kabu­uang halaga ng mga naturang damo.