Rider sumalpok sa poste, lasog
MANILA, Philippines - Isang rider ang nasawi matapos na aksidenteng sumalpok sa poste sa flyover ng C5 sa Pasig City ang kanyang sinasakyang motorsiklo kahapon ng madaling-araw.
Dead-on-the-spot ang biktimang si Jayson Santos, 30, residente ng T. de Leon St., Valenzuela City.
Batay sa report ng Traffic Parking Management Office (TPMO), nabatid na dakong alas-2:16 ng maÂdaling-araw nang maganap ang insidente sa C5 flyover sa Brgy. Ugong, Pasig City.
Minamaneho ng biktima ang kanyang kulay puti at itim na Yamaha Mio (8491-NJ) at patungo sa direksyon ng Makati City nang aksidenteng salpukin ang isang street post na nasa center island ng flyover.
Sa lakas ng impact nang pagkakabangga ay maÂtinding napinsala ang mukha ng biktima kahit pa may suot itong helmet.
Tumilapon din ang biktima may ilang metro ang layo mula sa kanyang motorsiklo, na nagresulta sa kanyang agarang kamatayan.
- Latest
