Wanted arestado sa pagyayabang
MANILA, Philippines - Kalaboso ang 21-anyos na murder suspect na sinasabing nagtago ng dalawang taon matapos aresÂtuhin ng pulisya dahil sa pagyayabang sa nagawang krimen kahapon ng umaga sa Malabon City.
Sa bisa ng warrant of arrest na inisyu ni Judge Celso Magsinoc ng Malabon City Regional Trial Branch 74, nadakip ang suspek na si Jeffrey Malinao ng #106 Gozon Compound, Barangay Tonsuya ng nasabing lungsod.
Lumilitaw na nabisto ang suspek matapos nitong ipagyabang sa mga kainuman na mayroon siyang napatay sa kanilang lugar. Dahil dito, agad na ipinagbigay-alam ng ilang concerned citizen sa warrant section ng pulisya ang pagyayabang ng suspect.
Kinabukasan ay isinilbi ng pulisya ang warrant of arrest sa kasong murder laban sa suspek habang ito ay papalabas ng Gozon Compound. Nabatid na pinatay sa saksak ni Malinao ang kanyang kapitbahay noong 2011 at nagtago ito sa ibang lugar.
- Latest
