Kelot dedo sa pamamaril sa QC

MANILA, Philippines - Isang lalaki ang binaril saka itinapon sa isang kalye sa lungsod Quezon kahapon ng madaling-araw.

Patay na nang matagpuan si Erwin Daen, 34, na naka­handusay sa Brgy. Gulod­ ganap na alas-12:45 ng madaling-araw.

Ayon sa ulat, nasawi ang biktima sanhi ng isang tama ng bala sa gawing likuran ng kanyang ulo.

Sabi ng isang saksi, matu­tulog na lang siya nang makarinig ng putok ng baril sa labas ng kanyang bahay sa  Florentina St. corner Nitang Avenue.

Dala ng kuryusidad, nagpasyang lumabas ng kanyang bahay ang saksi para tingnan ang pinanggalingan ng putok kung saan tumambad sa kanya ang duguang katawan ng biktima sa kalye.

Agad na ipinabatid ng saksi ang nakita sa barangay na siya namang tumawag ng pulis para magsiyasat.