Fetus isinilid sa timba

MANILA, Philippines - Isang fetus na tinatayang nasa edad na pito hanggang siyam na buwan ang natagpuang nakasilid sa isang timba at nakita  sa isang bakanteng lote  sa lungsod Quezon, kamakalawa.

Ayon sa ulat , ang lalaking fetus ay natagpuan ng isang Jude Rapalya, 17, sa may Mendoza St., Sitio San Roque, Brgy. Pagasa, ganap na alas -5 ng hapon.

Sinasabing nakikipaglaro si Rapalya sa dalawa niyang kaibigan sa nasabing lugar nang mapuna ang isang kulay asul na timba na nakatayo dito.

Nang kanyang tignan ay napuna niya ang isang bagay na nababalutan ng plastic bag kung saan bumulaga sa kanya ang laman nitong fetus.

Sa kasalukuyan, hawak na ng Criminal Investigation and Detection Unit ng QCPD ang kaso para sa gagawing pagsi­siyasat.